Laboaren omenezko kontzertuaz arituko da gaur Delorean taldeko Ekhi

Saio akustiko batekin ekin zioten asteari "B aldea"n. Izan ere, Liher taldeak formatu akustikoan aurkeztuko zuen disko berria atzo.

Gaurko ere menu gozoa prestatu dute. Hasteko, "Mezu bat zuretzako" tartean Kristina Solanok duen lekukoa noren eskuetara pasatuko den jakingo dugu. Horrez gain, Delorean taldeko Ekhi elkarrizketatuko dute, Mikel Laboaren omenez Bilboko Arriaga antzokian emango duten kontzertuaren nondik norakoak ezagutzeko.

Ez da makala, beraz, Ainhoak eta Xabik datorren asterako prestatutako egitaraua, batez ere, kontuan izanik asteazkenean Han taldea ekarrizketatuko dutela, eta ostegunean ere entzuleen musika egarria aseko dutela. Egun horretan, Donostiak hurrengo asteburuan hartuko duen Lurrazpiko festa hartuko dute hizpide. Horretarako, antolatzaileetako batekin izango dira, aurtengo kartela hobeto ezagutze aldera.

Ez galdu "B aldea", astelehenetik ostegunera, 21:00etatik 22:00ak arte.