Belakok albiste esklusiboa emango du gaur 'B aldea' saioan

Gainera, Gaztea Cover ekimenean bertsio berri bat entzuteko aukera izango dugu, Seiurte taldeari esker.
belako. argazkia: facebook belako
author image

LUZIA ZUGADI | EITB.EUS

2015/11/02 - 14:04

Azken eguneratzea

2015/11/04 - 11:36

BIME Live jaialdiak asteburuan eman zuena aztertu zuten astelehenean "B aldea" saioan, eta Izaki Gardenak taldearen disko berria aurkeztu zuten. Horrenbestez, batetik, aipatu jaialdiko musikariek Ainhoa Urretabizkaiarekin izandako hitzorduak gogoratu zituzten, eta, bestetik, Aurri gara diskoa ezagutzeko aukera eman zieten entzuleei; izan ere, akustikoan estreinatu zituzten Izaki Gardenak taldekoek abesti berriak.

Atzo, ohi bezala, "Mezu bat zuretzako" tarteari gorde zioten lekua. Oraingoan, Grises taldeko Eñaut Gaztañagak hartu zuen lekukoa.

Gaur, berriz, Gaztea Cover ekimenaren baitan, Seiurteren bisita espero dute. Beraz, 21:00etatik aurrera jakingo duzue zein talderen moldaketa egin duen talde bizkaitarrak. Hori gutxi ez eta, Belakok esklusiba mundiala emango du.

Ez galdu 'B aldea', astelehenetik ostegunera, Ainhoa Urretabizkaiaren eta Xabier Doncelen eskutik.