Bi Bala taldeak disko berria aurkeztuko du 'B aldea'
Gainera, Ibon Fernandezek "Pop Track" saioaren aurrerapena egingo du.
Astelehena jaieguna izan zenez, 'B aldea' saioak atseden hartu zuen, baina hurrengo egunetarako menu berezia prestatu zuten Ainhoa Urretabizkaiak eta Xabier Doncelek entzuleentzat.
Hala, "Mezu bat zuretzat" tartean, Aitor Ariñok kantu bat eskaini zuen astearte gauean. Atzo, berriz, Gaztea Cover ekimeneko bigarren gonbidatuaren txanda izan zen. Eskean Kristo taldeari egokituko zitzaion Zarama taldearen "Iñaki ze urrun dago Kamerun" klasikoaren moldaketa egitea.
Bukatzeko, gaurko bi hitzordu aurreikusi dituzte. Batetik, Ibon Fernandezek 'Pop Track' saioaren aurrerapena egingo du, eta, bestetik, Bi Bala taldeak disko berria aurkeztuko du. Aitzol Barandiaranen bisita izango dute horretarako.
