Gazteak saio berezia egingo du Durangoko Azokan, abenduaren 5ean
17:00etatik 19:00etara, Durangon izango diren artistak, gonbidatu bereziak eta bertako giroa izango dira protagonista.
Durangoko Azokako lehen egunean, abenduak 5, Gazteak saio berezia egingo du Landako gunetik. Alain Perez, Julen idigoras eta Ainhoa Arroitajauregik gidatuta, azokan gertatzen ari den guztiaren berri emango dizuegu zuzenean, 17:00etan hasi eta 19:00ak arte.
Bertan egongo diren artistak eta gonbidatu bereziak pasatuko dira Gaztearen setetik. Gainera, azokara eta Ahotsenea gunera ere jaitsiko gara; jendearekin hitz egin, kontzertuetan murgildu eta azokako giroaren berri emateko. Irrati bidez entzuteaz gain, streamingez ikusteko aukera ere izango da, Gaztearen YouTubeko kanalean.
