Ane Jurado, 'Akabo Bakea' saioko talentu berria
'Akabo Bakea' saioan talentu gazteen bila gabiltza, eta dagoeneko badugu artista berria. Ane Jurado azpeitiarra da, eta 13 urte baino ez ditu. Agertoki handi batean abestea gustatuko litzaiokeela aitortu du. Gitarra soinean hartuta etorri da Gazteako estudiora.
Parte hartu
Musikarako talentua baduzu, gaitasun hori erakusteko leihoa zabalduko dizugu Gazteako 'Akabo bakea' saioan. Ez da lehiaketa izango, oraingoz. Beraz, 23 urte baino gutxiago badituzu, prestatu bideoa, laster bidaltzeko aukera emango baitizugu. Ondoren, 'Akabo bakea!' saioan onenak aukeratu eta saiora gonbidatuko ditugu, ostegunero, urriko azken astean hasita.
Amaiak eta Julenek fitxa moduko bat egin diote gonbidatuari. Horretarako, hiruzpalau galdera erantzun eta mikroaren aurrean abestu beharko du. Adingabekoak izanez gero, gurasoei baimena eskatu beharko diegu. Hautatutako artisten emanaldiak Gazteako webgunean ipiniko ditugu ikusgai.
Zeren zain zaude zure talentua erakusteko?
