Belako taldeko Josu Ximunen musika, gaurko 'Pop Track' saioan
"Thanks God It's Friday" disko-jartzaileen zikloa abiatuko du gaur "Pop Track" saioak.
Ibon Fernandezek zuzentzen duen "Pop Track" saioak gonbidatu berezia izango du gaur gauean. Izan ere, Belako taldeko Josu Ximun egongo da estudioan.
Joan den denboraldian bezala, "Thanks God It's Friday" disko-jartzaile gonbidatuen zikloa hartuko du astero "Pop Track"ek, eta aste honetan artista mungiarraren esku geratuko da musika saioa gidatzea. Beraz, gitarrari atseden apur bat eman eta bere gustuko kantuak ekarriko ditu Gazteara Ximunek. Ordubeteko tartean, musika elektronikoa izango du ardatz "Pop Track" saioak.
21:00etatik aurrera, hitzordua duzu Gaztean!
