Muse taldearen 'Survival', Londresko Olinpiar Jokoetako kanta ofiziala
Talde britainiarrak irailean kaleratuko duten ‘The 2nd Law’ diskoaren lehen singlea da.
Muse
Muse talde britainarraren Survival izango da Londresko Olinpiar Jokoetako kanta ofiziala. Era berean, irailean argitaratuko duten The 2nd Law diskoaren aurkezpen abestia da. BBC Radio katean entzun ahal izan dira lehen aldiz.
Uztailaren 27an Londresen hasiko diren Olinpiar Jokoetan oinarritu dira Muse taldeko kideak abestia egiteko. Ikusmin handia eragin du argitalpen berezi horrek jarraitzaileen artean, azken hiru urteetan kaleratu duten lehen kanta baita.
