Natural Project, astearteko "B Aldea"n
Discontinuidad disko berriari buruz hitz egitera etorriko zaizkigu Andoaingo mutilak Miramongo estudioetara 21:00etatik 22:00etara bitartean.
Natural Projecten disko berriaren azala.
Natural Project taldea gonbidatu dugu astearteko "B Aldea" saiora. Gaueko 21:00etatik 22:00etara Miramongo estudiora etorriko dira talde andoaindarreko kideak kaleratu berri duten Discontinuidad lanari buruz hitz egitera.
Laukote gipuzkoarraren estudioko bigarren lan luzea da Discontinuidad eta 11 abesti bildu dituzte bertan. Aniztasuna da disko berriaren ezaugarri nagusia eta aniztasun horren erakusgarri dira lan horretan bildu dituzten bi birnahasketak eta Gorka Merchan zinema-zuzendari donostiarraren La casa de mi padre filmerako osatutako "Ispilua" abestia.
Natural Project taldea hobeto ezagutzeko, entzun astearteko "B Aldea" saioa!
