Abantaila hartuta dabil Katez taldea Maketa Lehiaketaren bozketan
Eraul taldeak jarraitzen dio sailkapenean, eta Leun da hirugarren sailkatua.
Maketa Lehiaketak ez du asteburuan atsedenik hartu, eta azken orduan ere talde gustukoenen aldeko botoa ematen ibili dira Gazteako entzuleak. Hala eta guztiz, bigarren sailkatuak, alegia, Eraul taldeak, ez du lortu oraindik Katez harrapatzea.
10:00etako datuen arabera, 300 bototik gora kentzen dizkio seikote nafarrak talde donostiarrari. Nolanahi dela, datu horiek ez dira inolaz ere erabakigarriak, apirilaren 28ra arte erabateko aldaketa izan baitezake Maketa Lehiaketaren sailkapenak.
Horretarako, baina, nahitaezkoa da zuen parte hartzea. Lau egun falta dira bozketa-faseari bukaera emateko, eta, hori horrela, itxaropentsu daude oraindik 24 finalistak.
