Maketa Lehiaketaren bozketak ez du ezustekorik eman azken orduan
Katez taldeak lehenengo postuari eusten dio, oraindik ere. Apirilaren 28ra arte, ordea, sailkapenak erabateko aldaketa izan dezake.
Argazkia: Eraul taldea.
Hiru dira hasieratik Maketa Lehiaketaren bozketan aurrea hartuta dabiltzan taldeak: Katez, Eraul eta Leun, eta, badirudi, oraingoz, ez dela aldaketarik egongo. Izan ere, lehendabiziko sailkatuak, hots, Katez taldeak, abantaila hartu eta 150 botoko aldea kentzen dio Erauli.
Bigarren horrek ere sekulako aldea du hirugarrenarekin alderatuta. Hain zuzen ere, 300 puntu baino gehiago kentzen dizkio.
Alabaina, behin-behineko emaitzak dira horiek. Izan ere, apirilaren 28ra arte nabarmen alda daiteke sailkapena, entzuleen botoek berehala eman ahal diotelako buelta bozketari.
Hori jakinda, zuen talde gustukoenen alde bozkatzeko ordua da, zuen bozei esker, Maketa Lehiaketaren Entzulearen Saria eskura dezakete eta.
