Boto gutxiko aldea lehenengo eta bigarren sailkatuen artean

Hogeita lau ordu besterik ez da igaro Maketa Lehiaketaren bozketa fasea abiatu genuenetik, eta dagoeneko badira aurrea hartu duten zenbait talde.

Dena dela, lehia bizia dute, batik bat, lehendabiziko bi sailkatuek. 11:45ean, 370 boto zituen Katez taldeak, eta hurbiletik jarraitzen zion Eraulek, 341 boto jasota.

Hirugarrena (Leun), ostera, zertxobait urrutiago dago, 189 boto eskuratu baititu. Hala eta guztiz ere, oraindik asko falta da bozketa epea bukatzeko; izan ere, apirilaren 28ra arte jasoko ditugu zuen guztion botoak.