Bihar ezagutuko ditugu Maketa Lehiaketako 25 finalistak
Gaztearen Maketa Lehiaketa bigarren fasean sartu da. Dagoeneko bukatu da maketak bidaltzeko epea eta guztira 300 kantutik gora jaso ditugu aurtengo edizio honetan. Behin kantu guztiak bilduta, epaimahaia finalera iritsiko diren 25 abestiak hautatzen dabil orain eta bihar bertan iragarriko ditugu finalistak.
Beraz, bihartik aurrera eta datorren martxoaren 26ra arte botoa emateko aukera izango duzue erabiltzaileok.
Martxoaren 26an, "B aldea" saioan jakinaraziko ditugu boto gehien jaso dituzten bi kantuen izenak, baita, epaimahaiak hautatutako beste hiru abestiak ere, eta bost finalista horiek izango dira apirilaren 26an Bizkaiko hiriburuko Bilborock aretoan lehiatuko direnak.
Zorte on guztioi eta eskerrik asko aurtengo Maketa Lehiaketan parte hartu duzuen talde eta bakarlari guztioi!
