BBK Livek musika dantzagarriari eskainitako Basoa gunea aurkeztu du

Besteak beste, Four Tet, Ame, Erol Alkan eta Floating Points arituko dira han, uztailaren 7tik 9ra.

LUZIA ZUGADI | EITB.EUS

2016/04/14 - 12:24

Azken eguneratzea:

2016/04/14 - 12:24

Bilbao BBK Live jaialdiaren hurrengo edizioak eremu berri bat estreinatuko du: leku magiko eta misteriotsu bat, non natura eta musika dantzagarria atmosfera paregabe batean elkartuko diren. Hala, Basoa guneak BBK Live jaialdiaren baitan beste festibal bat egitea ahalbidetuko du, publikoaren esperientzia aberaste aldera, gehien bat.

Han, 16 artista eta Espainiako Estatuko zein nazioarteko disko-jartzaileek izango dute lekua. Besteak beste, Four Tet, Ame, Erol Alkan eta Floating Points arituko dira. Horrenbestez, denetariko musika nagusituko da, disko, soul, techno, house eta elektronika, kasu. Brasilgo doinuek ere izango dute tokirik.

Jaialdiak ateak zabaltzen dituen unean bertan irekiko dute Basoa, eta itxiera ordutegia ere bera izango da. Gainera, sarrera doakoa izango da.

BASOA guneko kontzertuak

Four Tet

Âme

Erol Alkan

Floating Points

Joe Goddard (Hot Chip)

Fort Romeau

Red Axes

Tim Sweeney

Horse Meat Disco (Severino & Jim Stanton)

Agents of Time (live)

Jeremy Greenspan & Boys

Pional

CPI (Marc Piñol & Hugo Capablanca)

Undo
JMII

Abu Sou