Salgai daude Bilbao BBK Liverako egun bakarreko sarrerak

Gainera, antolatzaileek iragarri dute Wolf Aliceren eta WASen zuzenekoak egunez aldatu dituztela. Britainiarrak larunbatean arituko dira, eta getxoztarrak, ostiralean.

Bilbao BBK Live. Argazkia: Last Tour International

LUZIA ZUGADI | EITB.EUS

2016/03/08 - 11:36

Azken eguneratzea:

2016/03/08 - 11:36

Wolf Aliceren eta WASen Bilbao BBK Live jaialdiko emanaldiak ez dira hasiera batean iragarritako egunetan izango. Hala, Wolf Alice britainiarrak uztailaren 9an egongo dira Kobeta mendian, nahiz eta hasieran ostegunerako iragarri zuten kontzertua. Bestalde, Gau Ama diskoa aurkezten dabilen WAS taldeak larunbatetik ostiralera aldatu du BBK Liveko hitzordua.

Sarrerak

Aipatzekoa da, baita ere, dagoeneko eskuragarri daudela egun bakarrerako sarrerak, 58 euroko prezioan.

Hiru eguneko abonamendua, berriz, 120 euroan dago salgai.

Kontzertuak, egunez egun

Uztailak 7, osteguna

ARCADE FIRE/ NEW ORDER/ M83/ CHVRCHES/ HOT CHIP/ YEARS & YEARS/ HOLA A TODO EL MUNDO/ HIDROGENESSE/ RURAL ZOMBIES/ BEGIZ BEGI...

Uztailak 8, ostirala

PIXIES/ UNDERWORLD/ GRIMES/ LOVE OF LESBIAN/ JOSÉ GONZÁLEZ/ JUNIOR BOYS/ SLAVES/ BLOSSOMS/ BELAKO/ NUDOZURDO/ WAS/ C. TANGANA/ INHEAVEN/ GREEN CLASS...

Uztailak 9, larunbata

TAME IMPALA/ FOALS/ EDITORS/ FATHER JOHN MISTY/ COURTNEY BARNETT/ WOLF ALICE/ JAGWAR MA/ TRIÁNGULO DE AMOR BIZARRO/ YELLOW BIG MACHINE...