Editors, Underworld eta Blossoms Bilbao BBK Live jaialdian izango dira
Bilbao BBK Live jaialdiak iragarpen gehiago egin ditu gaur. Guztira bost talderen emanaldiak aurreikusi ditu: Editorsena, Underworldena, Junior Boysena, C. Tanganarena eta Blossomsena, hain zuzen ere. Hala, hirugarrenez arituko dira Editors britainiarrak Kobeta mendian. Izan ere, 2009ko eta 2013ko hitzorduetara ere ez duten hutsik egin. Badirudi, beraz, gustuko dutela aipatu jaialdia.
Azken hamarkadetako indie rock garbienaren erreferente dira, 2003az geroztik. Kantu ezagunak taularatuko dituzte, horrenbestez, Bizkaiko hiriburuan, baina, halaber, 2015ean aurkeztutako In Dreams diskoan jarriko dute arreta.
Bestalde, Underworldek techno house progressive musika lantzen du, betiere, pop ukituak emanez. 1986an jaio ziren, nahiz eta 994ra arte ez duten aurreneko diskoa argitaratu.
Aipatzekoa da, baita ere, Ontariotik (Kanada) iritsiko dela Junior Boys, duela gutxi plazaratutako Big Black Coat lana besapean hartuta. Blossomsek, berriz, orain dela egun gutxi kaleratu du At Most a Kiss proiektua, eta, azkenik, C. Tanganak rap doinuz jantziko du Kobeta.
Iragarpen horiek ez ezik, egun bakoitzean egongo diren zuzenekoen berri era eman dute antolatzaileek.
Sarrerak
Egun bakarrerako sarrerak martxoaren 8tik aurrera egongo dira eskuragarri.
Kontzertuak, egunez egun
Uztailak 7, osteguna
ARCADE FIRE
NEW ORDER
M83
CHVRCHES
HOT CHIP
YEARS & YEARS
WOLF ALICE
HOLA A TODO EL MUNDO
HIDROGENESSE
RURAL ZOMBIES
BEGIZ BEGI...
Uztailak 8, ostirala
PIXIES
UNDERWORLD
GRIMES
LOVE OF LESBIAN
JOSÉ GONZÁLEZ
JUNIOR BOYS
SLAVES
BLOSSOMS
BELAKO
NUDOZURDO
C. TANGANA
INHEAVEN
GREEN CLASS...
Uztailak 9, larunbata
TAME IMPALA
FOALS
EDITORS
FATHER JOHN MISTY
COURTNEY BARNETT
JAGWAR MA
TRIÁNGULO DE AMOR BIZARRO
WAS
YELLOW BIG MACHINE...
