Bilbao BBK Live jaialdia bukaerara iritsi da

Biziak izan dira osteguna eta ostirala, eta larunbateko aurreikuspenak ere halakoxeak dira. Sarrera guztiak agortuta, Museren bisita jasoko du Bilbao BBK Livek, ikusmin handiena piztu duen taldearena, hain zuzen.

Luze joango da eguna. Izan ere, ohi bezala, 17:00etan irekiko dituzte ateak, eta goizeko lehenengo orduetara arte luzatuko da festa-giroa.

Señores eta Munik taldeak izango dira oholtzara igotzen lehenak (17:30ak jota). Geroago, besteak beste, Vintage Trouble, Sheppard, The Cat Empire eta The Ting Tings taldeen musika entzungo da.

Gau hasieran, berriz, Of Monsters and Men, Zoot Woman eta I Am Dive taldeen doinuek hartuko dute indarra, eta 00:10ean aterako da agertokira Muse hirukote britainiarra, Drones lan berria jarraitzaileen aurrean aurkezteko irrikaz.

Horrekin, aitzitik, ez da azken eguneko kontzertu-saioa amaituko. Izan ere, SBTRKT, Julio Bashmore eta The Parrots, adibidez, gaurko protagonisten artean egongo dira, baita Delorean talde zarauztarra ere. 01:45ean hasiko da azken horien zuzenekoa Carpa Stage gunean.

EGITARAUA

UZTAILAK 11

17:00etan, ateen irekiera

Bilbao agertokia

18:15 VINTAGE TROUBLE
20:00 KODALINE
22:15 OF MONSTERS AND MEN
00:10 MUSE

Heineken agertokia

17:30 SEÑORES
19:05 THE CAT EMPIRE
21:05 THE TING TINGS
01:45 SBTRKT

Karpa

17:30 MUNIK
18:30 CAVALIERS OF FUN
19:45 SHEPPARD
21:20 BEAR?S DEN
23:15 ZOOT WOMAN
01:45 DELOREAN
03:00 LAPALUX
04:20 JULIO BASHMORE
05:50 ELYELLA DJs

Red Bull Tour Bus

17:30 JOHN GRVY
20:35 NEUMAN
22:30 I AM DIVE

Bosque agertokia

01:45 TRAJANO!
03:00 THE PARROTS
04:00 SAU POLER
05:30 MARC PINOL