Snow Patrol, Vetusta Morla, The Gift eta Noah & The Whale, BBK Liven

Gainera, Klaxons, Band Of Skulls eta Lori Meyers ere arituko dira Kobetamendin uztailaren 12tik 14ra.
null
Snow Patroleko Gary Lightbody, 2011ko Rock In Rio Brasilen
author image

Garazi Urdanpilleta

2012/01/13 - 12:09

Azken eguneratzea:

2012/02/09 - 15:56

Izen berriak iragarri dituzte 2012ko Bilbao BBKLive jaialdirako: Snow Patrol, Vetusta Morla, The Gift, Noah &The Whale, Klaxons, Band Of Skulls eta Lori Meyers arituko diraKobetamendin uztailaren 12tik 14ra. Radiohead zen orain arte baieztatuta zeukaten izar bakarra.

Snow Patrol talde eskoziarrak 15 milioi disko salduak ditu mundu osoan eta sari ugari eta kritikaren errekonozimendua ere izan dute. 6 disko dauzkate merkatuan eta 'Fallen Empires' lan berriko kantuak aurkeztuko dituzte Kobetamendin zuzenean, baita euren ibilbideko arrakasta handiak ere. 

Klaxons laukotea Londrestik etorriko da euren indie rockarekin Bilboko zaleak astintzera. Hainbat single kaleratu ostean, 2007an argitaratu zuten estudioko lehen lana. 2010eko 'Surfing the void' diskoa taularatuko dute Bizkiako jaialdi ezagunean. 

Vetusta Morlak izugarrizko arrakasta izan zuen iaz Bilbao BBK Live jaialdian eta aurten berriz itzuliko dira 'Mapas' disko berriko doinuak zuzenean aurkeztera. 

The Gift talde portugaldarraren indie-pop elektronikoak ere izango da Kobetamendin. Noah & The Whale indie-folk boskotea Ingalaterra aldetik helduko zaigu, baita Band Of Skulls 'garage' ukituko rock taldea ere. Azkenik, Lori Meyers talde andaluziarraren indie-rocka ez da faltako aurten.

Zazpi izen berri horiek Radioheadekin batera arituko dira uztailaren 12tik 14ra bitartean. Laster iragarriko dituzte talde eta artista gehiago.

Gogoratu urtarrialren 24ra bitartean 3 egunetarako bonu berezia dagoela salgai 85 euroren truke (+ banaketa gastuak).