‘Sirat’ filmeko lantaldeak historia egin du: Oscar Sarietan soinu onenaren kategorian emakumez osaturiko talde bat izendatu dute, lehen aldiz

Laia Casanovas, Amanda Villavieja eta Yasmina Praderasek osatzen dute filmaren soinu taldea. Martxoaren 15ean banatuko dira Oscarrak, Los Angelesen.
GRAFCAT6867. BARCELONA, 20/01/2026.- El equipo de sonido de la película "Sirat", Amanda Villavieja (i), Lola Casanovas (c) y Yasmina Praderas (d) durante la presentación de los nominados de los premios Gaudí donde se ha mostrado "esperanzado" con lo que pueda pasar este jueves cuando se anuncien las nominaciones a los premios Óscar, para los que es precandidata en cinco categorías, entre ellas mejor película extranjera, fotografía y sonido. EFE/Toni Albir

2026/01/23 - 09:27

Azken eguneratzea

2026/01/23 - 09:27

Sirat espainiar filmak Oscar Sarietako nazioarteko film onenaren eta soinu onenaren izendapenak jaso berri ditu. Bigarren izendatzearekin, filmak gertatu gabeko zerbait lortu du: Oscar Sarien historian, emakumez osatutako lan talde batek soinu onenaren izendapena jaso du, lehen aldiz. Laia Casanovas, Amanda Villavieja eta Yasmina Praderasek osatzen dute Sirat filmeko soinu taldea, eta txalo eta algara artean hartu dute berria. Saria lortuz gero, filmaren soinuak eskuratutako bigarren garaikurra izango da Oscarretakoa; Europako Zinema Sarietako saria jaso berri baitute.

Izendapena jaso osteko prentsaurrekoan, Amanda Villaviejak honakoa esan du: “Ez da hain ezohikoa, eta bada garaia emakumeak horrelako izendapenak jasotzen ikusteko”. Yasmina Praderas taldekideak ere egin ditu berriari lotutako adierazpenak: “Zorionez, gero eta presentzia handiagoa dugu eta emakumeak aurkitzen dituzu nahasketa geletan. Sekulako luxua da indarrak eta sentsibilitatea batu ahal izatea”.

Martxoaren 15ean izango da Oscar Sarien gala handia, Los Angeleseko Dolby Theatre aretoan. Bertan izango dira Oliver Laxe Siraten zuzendaria, baita soinu lantaldea ere.

 

Kategoria nagusietako izendatuak

Film Onenaren kategorian, Los pecadores da faboritoa, Ryan Cooglerrek zuzendua eta Michael B. Jordan protagonista duena. Filmak marka hautsi du, 16 izendapenekin, All About Eve, Titanic eta La La Land lanek baino gehiago. One Battle After Another lanak 13 hautagaitza lortu ditu. Affeksjonsverdi, Marty Supreme eta Frankenstein filmek, berriz, bederatzi dituzte, eta Hamnetek zortzi. Bestalde, Oliver Laxeren Sirat filma Nazioarteko Film Onenaren eta Soinu Onenaren sailetan lehiatuko da.

Gizonezko aktore onenaren sailean, Timothee Chalamet (Marty Supreme), Leonardo DiCaprio (One Battle After Another), Ethan Hawke (Blue Moon), Michael B. Jordan (Sinners) eta Wagner Moura (O agente secreto) izendatu dituzte, eta denboraldi zinematografikoko emanaldi aipagarrienetako batzuk dira.

Emakumezko aktore onenaren sailean, Emma Stone (Bugonia), Jessie Buckley (Hamnet), Rose Byrne (If I Had Legs I'd Kick You), Kate Hudson (Song Sung Blue) eta Renate Reinsve (Affeksjonsverdi) dira hautagaiak.

Antzeztaldeko gizonezko aktore onenaren sailean, Benicio del Toro (One Battle After Another), Jacob Elordi (Frankenstein), Delroy Lindo (Sinners), Sean Penn (One Battle After Another) eta Stellan Skarsgård (Affeksjonsverdi) lehiatuko dira. Antzeztaldeko emakumezko aktoreen artean, hauek izendatu dituzte: Elle Fanning (Affeksjonsverdi), Amy Madigan (Weapons), Wunmi Mosaku (Sinners), Teyana Taylor (One Battle After Another) eta Inga Ibsdotter Lilleaas (Affeksjonsverdi).

Zuzendari onenaren sailean, Paul Thomas Anderson (One Battle After Another), Chloe Zhao (Hamnet), Ryan Coogler (Sinners), Josh Safdie (Marty Supreme) eta Joaquim Tier (Affeksjonsverdi) daude.

Zure interesekoa izan daiteke

Gehiago ikusi
Publizitatea
X